Kar û xebatên Şaredariya El-Cezratê

FADÎ EL-FARÛQ / DÊRAZOR

Piştî ku Dêrazor ji çeteyên DAIŞ’ê hat rizgarkirin, bajar kavil bûbû. Şaredariya Gel a El-Cezrat ji destpêka sala borî ve li gel wêranbûn û xirabûna cihên giştî û taybet bi keda xwe ya xweser û bêyî piştgirî, dest bi xebatên xwe kir.

Xebatên fenî

Beşa xebatên fenî ruxsetên avakirina avahiyan dide. Hejmara ruxsetan gihaştiye 160’an. 72 ruxsetên dikanan dane. Her wiha 6 ruxsetên pîşeyî yên firinên El-Cezra, El-Bû Hemîd, Mîlac, El-Şatêî û Qasîbe jî hene.

Beşa xebatên fenî ruxseta 5 aşan li El-Bû Hemîd, Mîlac û Cerwan, 2 stasyonên sotemeniyê, 32 ruxsetên filterên sotemeniyê dane gel. Beşa xebatên keşfa fenî li ser cihê xwedîkirina mirîşkan li herêma Ebû Xeşeb, Cerwan, El-Emo dimeşîne û hewl dide wan bihejmêre.

Beşa Xizmetguzariyê

Şaredariyê gelek xebat meşandine; hejmareke kolanên herêma El-Cezrat (El-Bû Hemîd, Mîlac û El-Şatêî) 9 kolanên sereke û 2 şaxî sererast kirine. Navîna rêya giştî ya El-Cezra û El-Bû Hemîd restore dike. Projeya avakirina sûra geraca şaredariyê dişopîne û çavdêriya stasyona kehrebeyê ya El-Cezrat dike.

Şaredariyê xebatên çandina navîna rêyan bi daran, boyaxkirin, ronîkirina kolanan, avakirina sûra geracê, birêxistinkirina sûka pez, sebze û hemleya reşandina dermanên kurmikan dimeşîne.

Buroya Veguhestinê

Buro xebatên tomarkirina erebeyên veguhestina giştî, dayîna ruxsetan, amadekirina kartên ajokaran û birêxistinkirina wan tîne cih. Her wiha li ser bendên kontrolkirinê, zabîte hene, muxelîfan kontrol dikin û girtekên pêwîst der heqê wan de digirin.

Komîteya Tenduristiyê

Piştî bicihanîna hindek karên îdarî, komîteyê 15 ruxsetên vekirina xwaringeh û goştfiroşan dane. Tevî wê jî bi awayekî asayî ji bo parastina saxlemiya goşt û madeyên xwarinê, karên wan cihan dişopîne.

Beşa zabîte

Beşa xebatên birêxistinkirina karên avakirinê, rakirina avahiyên bêserûber kir. Li gel wê jî alîkariya her du beşên tenduristiyê û zimhêrê di kontrolkirina muxelîfan de dike.

Beşa paqijiyê

Komîteya Xizmetguzariyê alavên pêwîst pêşkêşî beşê kirin. Beşê li gorî plansaziya kar a 6 mehan, sergo bi rêjeya mehane 175 ton rakir û bir cihên wê yên diyar. Bi rêjeya ji sedî 75 ji rûbarên gundên girêdayî şaredariya El-Cezrat paqij kirine.

Girêdayî mijarê endamên rêveber ên Şaredariya Gel destnîşan kir ku dema derfetên pêwîst peyda bûn, wan gelek projeyên pêşeroje amade kirine û dê bînin cih. Jê avakirina sûrên parkan, avakirina deriyê têketina Dêrazor û Reqayê, avakirina navîna rêyek li Cezîra Mîlac, avakirina depoyên avê li El-Cezrat, beyar û amadekirina geracekê ji bo şaredariyê.

Hevserokê Şaredariya Gel a El-Cezrat Hanî Kemal diyar kir ku beriya salekê şaredarî bi hemû beşên xwe hat vekirin û wiha got: “Me kolan vekirin. Hemleyên paqijiyê dest pê kirin û der barê paqijiyê de me şênî agahdar kirin, firin tên şopandin û me yên nû vekirin. Me kehrebe gihand gundewarên Dêrazorê. Me stasyonên ava vexwarinê û avdanê careke din dan xebitandin.”

Kemal destnîşan kir ku Şaredariya Gel bi hewcedariya alavên xizmetguzariyê heye. Di heman demê de pêwîstî bi navendeke rewşên awarte jî heye.

(şx/bm)

ANHA