Jinên Reqayê piştgirî dan greva birçîbûnê ya Tebaqayê

TEBQA

Çalakiya greva birçîbûnê ya şêniyênTebqayê ku bi armanca rakirina tecrîda li dijî Rêberê Gelê Kurd Abdullah Ocalan û destekdayîna ji bo Leyla Guven ku ev 84‘an ji bo rakirina tecrîdê di greva biçîbûnê de ye di roja 4‘emîn de didome.

Îro bi dehan jinên di nava saziyên sivîl û leşkerî yên bajarê Reqayê de dixebitin, tevî bi dehan jinên bajarê Tebqayê serdana çalakgeran kirin.

Jinên sembolên serkeftinê û dirûşmeyên "Jinên Firatê serî natewînin" derbasî avahiya Meclisa Mablatên Şehîdan a Tebqayê bûn ku cihê çalakiyên grevê ye û ji aliyê çalakgeran ve hatin pêşwazîkirin.

Cîgira Hevserokatiya Meclisa Sivîl a Reqayê Hena El-Xelef axivî û berxwedana jinên Tebqayê silav kir, her wiha kiryarên dewleta Tirk şermezar kirin û wekî "Celadê serdemê" bi nav kir.

El-Xelef bi navê jinên herêma Reqayê Hena piştgiriya jinên Reqayê bi berwedana girtiyan û têkoşer Leyla Guven anî ziman û got "Wekî jinên Reqayê em dengê xwe didin dengê berxwedêran, didin dengê têkoşer Leyla Guven û dibêjin em bi we re heta armancên wê pêk werin."

Rêvebira Rêveberiya Jin a Reqayê Zuleyxa Ebdî jî axivî û berxwedana Leyla Guven silav kir û got, Leyal guven sembola jina azad e, bi greva birçîbûnê li hemberî zihniyeta rêjîma Tirkiyê ya faşît disekine.

Zuleyxa Ebdî teqez kir ku jinên Bakur û Rojhilatê Sûriyê dê li rex berxwedêr Leyle Guven bin heta daxwazên wê yên azadiya gelan bi cih werin.

Piştî axaftinan, fîlmek li ser têkoşîna Leyla Guven û çalakiya wî, her wiha sûcên dewleta Tirkiyê li dijî girtiyan hate pêşandan.

(dh)

ANHA