Endamê ragihandina QSD‘ê Ismaîl hate bi bîranîn

REQA

Bi boneya salvegera yekemîn a şehadeta endamê ragihandina QSD`ê Ismaîl Xelîl, Buroya ragihandinê ya Meclisa Sivîl a Reqayê merasîma bîranînê di dibistana Ebî Temam de orgenîze kir. Bi dehan ji rojnamegerên Reqayê di merasîmê de amade bûn.

Merasîm bi deqeyek rêzgirtin destpê kir. Paşê endamê ragihandina QSD`ê Ehmed El-Hesen axivî û got: "Dibistana Ebî Temam şahidê rasteqînî ya fedekariya şehîd Ismaîl e. Şehîd Ismaîl dema bi erka xwe radibû û xebatên tîmên bêbandorkirina mayînên ku DAIŞ`ê li herêmê çandibûn, dişopand şehîd bû."

Ji aliyê xwe ve bi navê Buroya Astengdaran a Meclisa Sivîl a Reqayê Îsa El-Ehmed axivî û got: "Li bajarê Reqayê îro û her roj em şehîdan oxir dikin û em di dayîna şehîdên ku rêya serkeftinê ji me re xêz kirine de berdewam in. Îro em şehîd Ismaîl Xelîl bi bîr tînin û ew ê hertim di bîra me de be."

Kurtejiyana şehîd Ismaîl Xelîl

Ismaîl Xelîl kurê Colanê li bajarê Reqayê bi cih bûbû. Dermansaz bû û di karê xwe de ji hêla çeteyên DAI`Ş`ê ve rastî gelek astengiyan hatiye û bûye şahidê gelek binpêkirinên wan.

Ji roja yekemîn a rizgarkirinê ve li ser destê QSD`ê, wek endamên ragihandinê tev li QSD`ê dibe û pêngava rizgarkirina bajarê Reqayê heta rizgarkirina tevahiya bajêr şopand.

Şehîd Ismaîl bi nasnav Ebû El-Sibaa El-Colanî di sala 1982`yan de li bajarê El-Qinêtire ji dayîk bûye. Tevî malbata xwe li Reqayê bi cih bûye. Di 1-8-2017`an de tev li QSD`ê dibe û di 29-1-2018`an  de dema rizgarkirina dibistanekê bajarê Reqayê dişopand di encama teqîna mayînekê de şehîd dikeve.

(şx)

ANHA