Şêniyên Til Temirê cenazeyê şehîd Xebat spartin axê

Şêniyên navçeya Til Temirê cenazeyê Şehîd Hisên Mihemed bi nasnav Xebat ê ku di encama qezeyekê de şehîd bûbû li Goristana Şehîdan a Til Temirê spartin axê.

NÛÇE

26 ÇILE, 2019 15:15

HESEKÊ

Bi sedan şêniyên Til Temirê bi armanca wergirtina cenazeyê şervanê YPG`ê Hisên Mihemed bi nasnav Xebat ê 19`ê Çileyê de di encama qezeyek tirafîkê de li bajarê Qamişlo di dîroka şehîd bûbû li ber Maclisa Malbatên Şehîdan a Til Temirê kom bûn. Şehîd Hisên

Piştî ku şênî cenazeyê şehîd wergirtin, bi kerwanekî wesayîtan ber bi Goristana Şehîdan a Til Temirê ketin rê. Li goristanê merasîm bi deqeyek rêzgirtina lêşkerî ji hêla şervanên YPG û YPJ`ê destpê kir.

Di merasîmê de endama Meclisa Malbatên Şehîdan a Til Temirê Hîbe El-Şilaş, fermendarê YPG`ê Dilşêr Mişmilko, bavê şehîd Xebat û Mihemed Ibrahîm axivîn.

Axaftvanan fedekariyên şehîdan ji bo rizgarkirina herêmê ji terorê û parastina herêmê bi bîr xistin.

Her wiha destnîşan kirin ku bi saya şehîdan gelê herêmê di nav ewlehî û aramiyê de ne.

Axaftvanan soza şopandina rêya şehîdan dan.

Piştre wesîqeya şehadetê hate xwendin û radestî malbatê hate kirin.

Cenazeyê şehîd Xebat di nav tilîliyên dayîkan de û dirûşmeyên dilsoziya bi şehîdan re hate veşatin.

(şx)

ANHA