Cenazeyê şehîd Eşref hate veşartin

Bi sedan şêniyên navçeya Şedadê cenazeya endamê Hêzên Ewlekariya Hundirîn Eşref Xilêf ê ku dema erka xwe bi cih di anî, şehîd bibûn li goristana şehîdan a navçeyê spartin axê.

NÛÇE

19 ÇILE, 2019 16:21

HESEKÊ

Şêniyan cenazeya endamê Hêzên Ewlekariya Hundirîn Eşref Xilêf ji pêşiya Meclîsa Malbatên Şehîdan a Hesekê wergirtin û bi kerwanekî bi heybet berê xwe dan gorisatana şehîdan a navçeya Şedadê.

Merasîmê bi toraneke leşkerî ji aliyê endamên Hêzên Ewlekariya Hurdirîn ve dest pê kir. Piştre bi navê rûspiyê Êla El-Cibûr Ekerem Mehşûş, bi navê Hêzên Ewlekariya Hundirîn Mihemed Seyîd û bi navê Meclîsa Malbatên Şehîdan Nacî Nicûm axaftin hatin kirin.

Di axaftinan de sersaxî ji malbatên şehîdan re hate xwest û hate gotin, şehîdan ji bo jiyaneke bi rûmet û azad canê xwe feda kirin. axivîn.

Her wiha hate gotin ku şervanên QSD`ê di şerê tinekirina terorê de bi hemû hêza xwe şer dikin û mizgîniya rizgarkirinê nêzîk e.

Endama Meclisa Malbatên Şehîdan Silêman El-Salih nasnameya şehîd xwend û rasdestî malbatê kir. Cenazeyê şehîd di nava diruşme û tîlîliyên dayikan hate veşartin.

(dh)

ANHA