Ji bîrek paşguhkirî veguherî jêdera ava vexwarinê

TIRKÎ EL-KALIT / GRÊ SPÎ

Stasyona Bîra El-Filêhiye di sala 2005'an de hate avakirin. Stasyon, ava vexwarinê digihîne şêniyên gundên derdorê.

Stasyon ji du bîrên ku kûrahiya wan digihîje 170 metreyan û di saetekê de 50 metrekabik avê diavêje.

Stasyon bi rêya jeneretorekê bi karîna 250 kW dixebite. Jeneretor rojane 5 saetan dixebite û 150 lître mazotê xerc dike.

Stasyon bi dûrahiya 7 km dikeve rojavayê Eyn Îsa. Avê digihîne 15 gundên gundewarên navçeyê (El-Filêhiyê, El-Nasriyê, Im El-Edem, Im El-Seharîc, Im Sîra, Siwêdan, Rexîs, Im El-Qewarî, Mirqeb El-Hisan, El-Diyade, El-Etşan, El-Midefa û kombûna gundên El-Horan). Her wiha avê bi rêjeya ji sedî 25 digihîne malên navçeyê jî.

Komîteya Avê ya girêdayî Şaredariya Gel a navçeya Eyn Îsayê piştî ku stasyon sererast kir, çavdêriya wê jî dike.

Girêdayî mijarê hevserokê komîteyê Farûq El-Mistefa destnîşan kir ku komîteyê ji salekê ve hemû pirsgirêkên stasyonê yên ku di encama wêrankirina çeteyên DAIŞ'ê de pêk hatibûn, sererast kirine. El-Mistefa diyar kir ku ji ber xebatên Meclisa Sivîl a Reqayê ên sererastkirinê pirên girêdayî qenaya avdanê ya El-Belîx, stasyona avê El-Zehîra rawestiye. Niha ew avê bi rêya stasyona El-Filêhiyê digihînin gundan û beşek ji navçeyê.

(şx/bm)

ANHA