Li Minbicê partiyên siyasî destwerdana Tirkiyê red kir

MINBIC

Hevbendiya Niştîmanî ya Demokratîk a Sûriyê, Partiya Nûjen û Demokratîk a Sûriyê û Partiya Pêşerojê ya Sûriyê bi armanca nirxandina rewşa siyasî li herêmê, lihevkirina li gorî sîstemeke hevbeş ji bo nirxandina rewşa tevahî Sûriyê û bi taybet bajarê Minbicê, civînek li navenda Partiya Nûjen û Demokratîk a Sûriyê li bajarê Minbicê li dar xist.

Nûnerên Hevbendiya Niştîmanî ya Demokratîk a Sûriyê Mûna Xelef, Samir Ebû El-Nûr, endamên Desteya Rêveber a Partiya Pêşerojê ya Sûriyê Selwa Birkul, Seher Ewde, endamên Desteya Rêveber a Partiya Nûjen û Demokratîk a Sûriyê Hezaa Îbrahîm, Medîha El-Cuma,  Ehmed Hesûn û Medîha El-Meter tev li civînê bûn.

Civîn ji dezgehên çapemeniyê re girtî pêk hat. Der barê encamên civînê de endama Desteya Rêveber a Hevbendiya Niştîmanî ya Demokratîk a Sûriyê Mûna Xelef diyar kir ku di civînê de rewşa siyasî û pêşketinên dawîn li herêmê û bi taybet rewşa Minbicê piştî gefên dewleta Tirk li ser bajêr û wiha got: "Di dawiya civînê de hewcedariya sîstemeke hevbeş li dijî gefên dewleta Tirk a dagirker li dijî herêmê hate dîtin. Em destwerdana dewleta Tirk a dagirker û çeteyên wê li herêmê red dikin. Her wiha ji bo ku gel ji rewşa giştî û taybet a siyaseta dewleta Tirk a li herêmê xwedî agahî be, em ê civînên gel li dar bixin.”

(bx)

ANHA