Gelê Kobanê sersaxî ji malbata şehîd Ednan re xwest

Welatiyên Kobanê sersaxî ji malbata şehîd Ednan Nebo (Ednan Kobanê) re xwest.

NÛÇE

9 kanûn, 2018 11:43

KOBANÊ

Bi dehan welatiyên bajarê Kobanê berê xwe dan konê sersaxiyê yê şehîd Ednan Nebo (Ednan Kobanê) yê ku dema erka xwe ya leşkerî pêk tanî şehîd bû û sersaxî ji malbata wî re, xwestin. Konê sersaxiyê li taxa şehîd Xebatkar hatiye vedan.

Di merasîma sersaxiyê de bi dehan şêniyên Kobanê, endamên saziyên sivîl, şervanên YPG` û YPJ`ê, endamên rêveberiyên saziyan û endamên TEV-DEM`ê amade bûn.

Di merasîmê de li ser navê Partiya Yekitiya Demokratîk (PYD) Elî Hoşan axivî, sersaxî ji malbatên her du şehîdan re xwest û wiha got: "Partiya Yekitiya Demokratîk bi şehîdan dest pê kir, dê bi şehîdan jî bi ser bikeve. Heval Ednan ji malbateke welatparêz bû û tu car gavek paşde neavêt."

Paşê birayê şehîd Ednan, Mehmud Nebo axivî û wiha got: "Heval Ednan hevalekî şoreşger bû, her tim digot gerek em xwedî li serokê xwe derkevin, Ednan beşdarî şerê Kobanê bû û her tim alîkariya hevalên xwe dikir û Ednan şehîdê gel hemû ye."

Sersaxî heta saetên êvarê didome.

(hk)

ANHA