Xebatên komîteyên lihevanînê yên Reqayê

HEMED EL-MISTEFA/REQA

Têgeha dadgeh û edalet, wateyek cuda li Rojava-Bakurê Sûriyeyê digire. Ji bo bicihanîna edaletê û xurtkirina dada civakî û lihevanîna aşitiyane li şûna qanûn hişk û têgeha cezayê, civak tev li vê xebatê dike.

Li ser vê bingehê komîteyên lihevanînê doz û pirsgirêkên civakî bi rêya lihevanîn û razîbûnê çareser dikin.

Gelek sazî hatin avakirin di nav de meclisên herêmî yên ku jê komîteyên lihevanînê derketine. Erka wan komîteyan çareserkirina doz û giliyên civakî bi razîbûna her du aliyan, dûrî dadgehan e. Meclis ku hatine avakirin ev in: Rimêle, El-Mişleb, El-Intîfada û El-Teyar.

Komîteyan xebatên xwe bi çareserkirina dozên berê û yên nû ji bingeh ve û bi girtina nêrîna her du aliyan dimeşîne. 

Komîteyên lihevanînê yên girêdayî meclisên herêmî li bajarê Reqayê ji 7 endaman xwedî tecrube û exlaq û di nav gel de tên pejirandin pêk tên.

Piraniya dozên ku tên gel komîteyan, nakokiyên zeviyên çandiniyê, avahî û mîrat in. Di nav 6 mehan de komîteyan 500 doz ji bingeha 800 dozan çareser kirine û jib o 300 dozên mayî dixebite.

Têkildarî mijarê serokê Komîteya Lihevanînê ya girêdayî Meclisa Sivîl a Reqayê Mistefa Ismaîl got: "Ji bo misogerkirina mafên her du aliyên dozê em hewl didin dozan bi razîbûna her du aliyan çareser bikin. Her wiha di çareserkirina dozan de urf û adetên civakî di ber çavan re tên derbaskirin. Divê em rola şêx û rûspiyên herêmê di çaraserkirina dozan de ji bîr nekin û bi taybet dozên tolhildanê yên ku ev bûye çend sal û nehatine çareserkirin."

Di berdewam gotinên xwe de Mistefa Ismaîl ev tişt anî ziman: "Di nav 6 mehan de 800 dozên cuda hatin gel komîteyan û ji aliyê xwe ve komîteyan 500 doz ji wan dozan çareser kiriye û ji bo çareserkirina yên mayî dixebite."

Girêdayî dozên ku komîteyan veguhestina Meclisa Dîwana Dada Civakî û aliyên têkildar Mistefa wiha got: "Piraniya dozên ku li gel komîteyan nayin çareser kirin ji dadgehê re tên veguhestin."

(şx)

ANHA