Ji bo ewlehiya welatiyên Reqayê tedbîrên trafîkê

EMAR EL-XELEF / REQA

Polêsên trafîkê bi hemû hêza xwe hewl didin têgeha çanda birêxistinkirina tevgera çûn û hatinê di civakê de belav bikin. Polîsên trafîkê li gel rewşa hewayê ya ne baş jî tevgera wesayîtan bi rêxistin dikin û ajokaran hişyar dikin.

Ji ber baranê û mijê ku di saetên berbanga sibehê de radibe, dîtin asteng dibe û gelek caran dibe sedema qezayên trafîkê. Lewre Polêsên Trafîkê tedbîrên zêde girtine û nuqteyên xwe li têketin û derketina bajêr danîne. Her wiha belgeyên ajokaran kontrol dikin û şîretên têkildarî ewlehiyê didin wan.

Têkildarî mijarê endamê rêveber ê Navenda Trafîkê Mûsa El-Esaf wiha got: "Ji bo parastina jiyana welatiyan em nuqteyên trafîkê li rêyên têketin û derketina bajêr ava dikin û belavokên hişyariyê li şênî û ajokaran belav dikin."

Têkildarî dewriyeyên ku di nav bajêr de tên meşandin El-Esaf wiha axivî: "Ev dewriye nîşaneyên hişyariyê li ser rêyan datînin û rêyan kontrol dikin da ku ajokar bi lez neajon û bi taybet xwediyên motorsîklêtan. Em hêvî dikin ku şênî û ajokarên bajarê Reqayê girtekên saxlemiyê di erebeyên xwe de bi cih bînin, beriya ku derkevin karên xwe."

(şx)

ANHA