Li gundewarên Dêrezorê xebatên rêxistinî

DÊREZOR

Meclisa Sivîl a Dêraozêr navendeke hevbeş a meclisa gundên Sifêra Jorîn û Hîsan bi navê Meclisa Şehîd Emar Casim El-Xelîl vekir.

Di merasîma vekirina navenda meclîsê de şêniyên herdû gundan û gundên derdorê, rêveberiyên Meclîsa Jin, rêveberiyên herêmî, Hêzên Ewlekariya Hundirîn û şervanên Hêzên Sûryeya Demokratîk(QSD) beşdar bûn.

Axaftina destpêkê ya merasîmê vekirina navenda meclisê ji aliyê hevserokên meclisa gundê Sifêra Jorîn û Hîsan Sûzan Nûr El-Elî û Ehmed Hesûn El-Ehmed ve hate kirin. Di axaftinan de vekirina navenda meclisê li şêniyên herdu gundan hate pîrozkirin û hate gotin avkirin û vekirin navenda meclisê gaveke pir girîng e ber avakirina civakeke exlaq û polîtîk û azadiya jinê ve, deweltên mêtînger û desthilatdar ji her gavên ber bi demokrasiyê ditirsin.

Rêveberiya Meclîsa Jin a gundewarên Dêrezorê Betûl Yûsiv axivî û wiha got:" Em vekirina navenda Meclîsê li tevahî gelê herêmê pîroz dikin. Jin kaniya dayîn û azadiyê ye heger jin tune hate hesibandin wê demê civak hildiweşe. Bi beşdarbûna jinê di jiyanê de şaristanî gucaw e."

Meclîsên herêmî yên gundewarên rojava û rojhilatê Dêrezorê vekirina navenda meclisê li şêniyan pîroz kir û kerda şehîdan a di aramî û ewlehiya herêmê de vegotin. Piştî axaftinan deriyê navendê ji aliyê malbata şehîd Emar El-Xelîl ve hate vekirin.

Hêjayî bibîrxistinê ye ku Emar 29‘ê Hizêrana 2018’an dema erka xwe pêk di anî li gundê Mihêmîdiyê yêrojavayê Dêrezorê şehîd bûbû.

ANHA