‘Şideta li dijî jinan, şideta li dijî mirovahiyê ye’

MINBIC

Di çarçoveya rêzeçalakiyên Roja Cîhanî ya Tekoşîna li dijî Şideta li ser jinan Yeketiya Rewşenbîrên Minbicê bi hevkariya Meclisa Jin û Navenda Lêkolînên Jineolojî bi dirûşmeya "Ji kolekirina jinan re, azadiya me rûmeta me ye" semînerek li dar xist.

Berdevka Têkiliyên Giştî ya Meclisa Jin a Minbic û gundên wê Hena Şerîf di destpêka semînerê li ser sedemên şideta li dijî jinan di civakê de, axivî û bûyera kuştina jina ciwan a bi navê Reşa Besîs ji aliyê birayê xwe yê çete ve li Cerablusê şermezar kir.

Hena li ser sedema derketina 25`ê Mijdarê roja cîhanî ya Tekoşîna li dijî şideta li ser jinan û çîroka xuşkên Mirabel ku li pêşiya dîktetor Truxillo derketin vegot.

Li aliyekî din jî endama Rêveber a Navenda Lêkolînên Jinoelojî Rengîn Minbic axivî û sedemên  şideta li dijî jinan spart zihniyeta baviksalarî ku rola jinê de civakê de çewisandiye û got: "Şideta li dijî jinan, şideta li dijî mirovahiyê ye, ji bo azadkirina civakê û mirovahiyê di serî de divê jin were rizgarkirin, ji ber ku jin bingeha avakirina civakê ye."
Rengîn tekez kir ku divê dewreyên perwerdê û danasîna jinan bi mafên wan, bêne zêde kirin.

Endama Navenda Lêkolînên Jineolojî Sedîqa Xelo jî di formê de axivî û encam û bandora şideta li djiî jinan destnîşan kir û got:"Şideta ku di civakê tê kirin, bêhtirî wê li dijî jinan e, gelek caran rewşên bi vî awayî nayên îlac kirin derdikeve, çi di aliyê fîzîkî be û çi jî pîsîkolojîk be."

Sedîqa destnîşan kir ku divê jin xwe birêxistin bike û şideta li ser wê tê meşandin, rawestîne.

(jo)

ANHA