Piştî giliyan kalîteya nan li Dêrikê baş bûye

NEJBÎR OSMAN-ÎSAM ABDULLAH / QAMIŞLO

Şêniyên bajarê Dêrikê yê girêdayî Kantona Qamişlo, di demê dawîn de ji ber ne başiya kalîteya nan bi gilî û gazinc bûn.

Di firina bajarê Dêrikê de gelek kêmasî ji kêm hejmara karkeran, ne başiya kalîteya nan û hin pirsgirêkên teknîkî di alavên firinê de derketibûn. Ew jî bandorek neyînî li hilberîna firinê kir.

Piştî rexne û bangawaziyên şêniyan, Komîteyan Aşan pilansaziyek têkildarî makenîzmeya kar li firinê danî. Li ser wê rêveberiya firinê xebatên serrastkirinê da meşandin û hejmara karkeran zêde kir.

Girêdayî mijarê endamê rêveber ê firineya alî Ekrem Ebdulkerîm ji ajansa me re axivî.

Ekrem got: "Komîteya Aşan bi armanca meşandina xebatên firinê û çareserkirina kêmasiyên firinê, pilansaziya makenîzmeya xebatên firinê danî. "

Têkildarî astengiyên ku rastî wan hatine Ekrem wiha domand: "Kalîteya nan pir ne baş bû. Ji ber wê şêniyên bajêr bi gilî û gazinc bûn. Her wiha miqdarek mezin ji nan telef dibû û weke êmê sewalan dihat bikaranîn. Hejmara karekeran jî kêm bû. Tenê karkerek bi hemû xebatên amadekirina hevîr û heta derxistina nan radibû."

Di berdewama gotinên xwe de Ekrem destnîşan kir ku piştî xebatên sererastkirina alavên firinê û depoya arvan rewşa firinê niha baş bûye û cûreyê nan jî baş bûye.

Ji aliyê xwe ve şêniyan spasiya aliyên têkildar kirin.

(şx)

ANHA