Bi merasîmekê nasnameyê şehîdan hatin eşkerekirin

HESEKÊ

Meclisa Malbatên Şehîdan a bajarê Hesekê bi maresîmekê li goristana Şehîd Dijwar a gundê Dawudiyê nasnameya 8 şervanên Şerê Tinekirina Terorê û 2 gerîlayên HPG‘ê eşkere kir.

Bi sedan şêniyên gund û bajarê Hesekê tev li merasîmê bûn.

Merasîm bi bîranîna şehîdên têkoşîna azadiyê û toraneke leşkerî ji hêle  YPG, YPJ'ê û Hêzên Erka Xweparastinê dest pê kir.

Piştre bi navê  Meclisa Malbatên Şehîdan Bengîn Badînî axivî û behsa fedekariya şehîdan kir. Her wiha tekez kir ku şehîdan ji bo azadî û rumeta gelên herêmê yên canê xwe feda kirin.

Paşê bi navê hêzên leşkerî ji fermendarên YPG‘ê Ziyab Hesekê axivî û soza şopandina rêya şehîdan ta pêkanîna armancên wan da.

Endama Meclisa Malbatên Şehîdan Rojda Ehmed wesîqeya şehadetê xwend û radestî malbatên wan kir.

Nasnemeyên 8 şervanên QSD‘ê yên ku di Pêngava Şerê Tinekirina Terorê de şehîd bûne wiha ne: Ebdulsemed El-Elî (Egîd), Beşar El-Leylî (Sîwar Hesekê), Hisên Xelûf(Muhîb Hesekê), Şaban Mihemed (Esed) , Ebdulqadir Xidir (Qiwetlî), Besil Ebdulhisên (Rênas), Ebdulrezaq El-Qidir (Xebat Hesekê), Nebîl Salih (Ciwan Hesekê).

Nasnameyên herdu gerîlayên HPG‘ê wiha ne: Xalid Oso ( Xalid) û Ebdulbasit El-Ebdo (Sabir Hisên).

Merasîm bi berzkirina dirûşmeyên silavkirina berxwedanê û soza sekinandina li hember êrîşên dagirkeriya Tirk bi dawî bû.

(şx)

ANHA