Cenazeyê Serdar Tolhildan bi merasîmeke girseyî hate veşartin

Cenazeyê şervanê YPG‘ê Serdar Tolhildan ku li bajarokê Rimêlan ê herêma Cizîrê şehîd bibû bi merasîmeke bi heybet li Goristana Şehîd Dicle ya kantona Kobanê hate veşartin.

NÛÇE

6 mijdar, 2018 15:23

KOBANÊ

Bi sedan welatiyên kantona Kobanê cenazeyê şervanê YPG‘ê Mahir Îbî (Serdar Tolhildan) ku 1`ê mijdarê de li bajarokê Rimêlanê yê herêma Cizîrê di encama qezayê de şehîd bibû bi merasîmekê li Goristana Şehdî Dicle spartin axê.

Mersîm bi rêzgirtin û toraneke leşkerî dest pê kir. Paşê hevserokê Desteya Parastina ya Rêveberiya Xweser a Kantona Kobanê Îsmet Şêx Hesen axivî û banga xwedîderketina li xeta şehîd Serdar û hemû cangoriyên azad derketin.

Îsmet Şêx Hesen soza şopandina rêya şehîdan dûbare kir.

Her wiha li ser navê Yekitiya Partiya Demokaratîk (PYD) Ehmed Xoce sersaxî ji hemû malbatên şehîdan re xwest û got:"Ji her aliyan ve li dijî me êrîş têne kirin, ji ber vê yekê jiyana me di xeteriyê de ye, ji bo ku em azadiya xwe mîsoger bikin pêwîste em berdêlan bidin."

Piştî axaftinan wesîqeya şehadetê ji aliyê Meclisa Malbatên Şehîdan ve hate xwendin û radestî malbatê hat kirin.

Şervanan, cenazeyê şehîd hilgirtin li ser milê û di nava dirûşmeyên dilsoziya bi şehîdan re spartin axê.

(sn/hk)

ANHA