Şaredariya Tirbespiyê beriya zivistanê xebatên xwe berfireh kirine

Bi hatina zivistanê re, Şaredariya Gel a Tirbespiyê xebatên xwe zêde kirine. Di vê çarçoveyê de komîteyeke awarte û du gerac hatine avakirin.

CIVAK Û JIYAN

6 mijdar, 2018 07:27

RÊNAS REMO / QAMIŞLO

Şaredariya Gel a navçeya Tirbespiyê ya herêma Cizîrê ji ber hatina zivistanê gavên girîng avêtin. Şaredariyê komîteyeke awarte ji 20 xebatkaran ava kiriye. Erka vê komîteyê paqijkirina rogar û xetên kanalîzasyonê ye.

Şaredariya Gel a Tirbespiyê ji bo kêmkirina qerebalixa veguhastinê û birêxistinkirina tevgera çûn û hatinê 2 geracên nû vekirin. Geraceke taybet ji bo serwîsên veguhastinê yên derveyî navçeyê û yeke din jî ji bo erebeyên mezin û kamyonan.

Endamê Komîteya Rêveber a Şaredariya Gel a Tirbespiyê Şefîq Mûrad destnîşan kir ku hemû beşên şaredariyê bi hev re dixebitin da ku xizmetê pêşkêş bikin û nehêlin astengî ji welatiyan re derkeve, bi taybet di zivistanê de.

Şefîq tekez kir ku Şaredariya Gel ji beşê zabite, fenî û komîteya awarte rojane pêngavên paqijkirin û birêxistinkirinê li bazara navendî dikin.

ANHA