Gelê Dêrazorê şehîdên Şerê Tinekirina Terorê oxir kirin

DÊRAZOR

Bi sedan şêniyên gundên Xeşeb, Cezra, Mihêmîdiyê yên gundewarên rojavayê Dêrazorê ji bo oxirkirina cenazeyê şervanên QSD‘ê Umer Hemdan ( Emîr), Qusey Mihemed El-Mehel ( Elî) û Emar Xalib El-Elwan (Xalid) ku di 26‘ê Cotmehê di Pêngava Bagera Cizîrê li Hecînê şehîd bibûn, li deriyê ketina gundê Ebû Xeşeb wergirtin û bi kerwanekî ber bi Goristana Şehîd Xidir El-Hemada bi rê ketin.

Li Goristanê deqeyek rêzgirtin û merasîmeke leşkerî hate lidarxistin.

Ji fermandarên QSD‘ê Azadî axivî û wiha got: "Destpêkê em sersaxî ji xwe re û ji malbatên şehîdan re dixwazin, em ji çeteyan û êrîşên Tirkiyê re dibêjin na. Wekî gelê herêmê bi Kurd û Erebên xwe em ê berxwedana xwe berdewam bikin û ti carî dev ji erdê xwe bernadin. Em ê heya dawî şopdarên xeta şehîdên xwe bin û wan bi bîr bînin. "

Rêveberê Meclisa Sûriyeya Demokratîk Selah El-Dêrî jî anî ziman ku şehîdan bi xwîna xwe axa welat avdan û got: "Ne ji berxwedaniya şehîdan baye, em niha li vir kom nedibûn, banga me ji gelê herêmê re xwedî li şehîdan derketein, dijminên me dixwazin gelê ji hev dûr bixînin û welat wêran bikin. Em ê li heya dawî li geleka hêzên xwe bin."

Bi navê Meclisa Sivîl a Dêrazorê Yûsif Çaçan, bi navê Saziya Malbatên Şehîdan rêveberê meclisê Wîsal Hezai, Meclisa Xeta Ebû xeşeb Casim El-Tebas û bi navê Meclisa Herêmî ya Dêrazorê Hind El-Cedan axaftin hatin kirin.

Kesên axivîne serasxî ji malbatên şehîdan re xwestin û soza dan ku ew ê li hemberî êrîşên dijber piştgiriyê bidin QSD‘ê, şopandina riya şehîdan hate dayîn.

Rêvebera Saziya Malbatên Şehîdan Wefa El-Celal wesîqeyên şehadetê yên şehîdan xwend û radestî malbatên wan hatin kirin.

Girseya gel, cenazeyê şehîdan di nava dirûşmeyan de spartin axê.

ANHA