Li Qamişlo sersaxî ji malbatên du şehîdan re hate xwestin

Şêniyên navçeyên Girkê Legê, Çilaxa, Dêrik û Til Koçberê berê xwe da gundê El-Yûsifiyê û sersaxî ji malbatên 2 şehîdan re xwest.

NÛÇE

3 mijdar, 2018 11:49

QAMIŞLO

Bi sedan şêniyên navçeyên Girkê Legê, Çilaxa, Til Koçer û Dêrikê berê xwe da konê sersaxiyê yê endamê hêzên Erka Xweparastinê Seîd El-Ayid û şervanê YPG`ê Îbrahîm Ebas (Xalid Yûsifiyê) yên di Şerê Tunekirina Terorê de şehîd bûn û sersaxî ji malbatên her du şehîdan re xwest.

Di merasîmê de yek ji fermandarên YPG`ê Çiya Dêrik axivî û sersaxî ji malbata her du şehîdan re xwest û got ji bo gelê herêmê bi azadî û aramî bijî şervan heta dawiyê li ber xwe didin û di oxira wê de canê xwe feda dikin.

Paşê ji rêveberên Meclisa Til Koçerê Mehmûd El-Sadî berxwedana şervanan di çeperên şer de silav kir û got pêwîst e di pêvajoyeke wisa hesas de asta têkoşîn û berxwedanê zêde bibe da û bi îradeyeke pir xurt li ser rêya şehîdan bimeşin.

Her wiha yek ji rêveberên Kongreya Star Nesrîn Mihemed destnîşan kir ku pêwîst e asta têkoşînê bilind bibe û heta dawiyê li dijî êrîşên dagirkeran li ber xwe bidin.

Di dawiyê de wesîqetên şehadetê yên her du şehîdan hatin xwedin û radestî malbatên wan hatin kirin.

(bx)

ANHA