Şêniyên Şedadê şehîdên Şerê Tinekirina Terorê oxir kirin

Bi sedan şêniyên navçeya Şedadê cenazeyên 4 şehîdên QSD`ê oxir kirin û soza şopandina rêya wan da.

NÛÇE

29 cotmeh, 2018 11:46

HESEKÊ

Şêniyan cenazeyên 4 şehîdan Hisên El-Mihemd (Şahîn), Derwîş Ebîd (Doxan Şedadê), Basil El-Şêx (Hayîl) û Hisên El-Salih (Xîtab Şedadê) ji pêşiya Meclisa Malbatên Şehîdan a Hesekê wergirtin û bi karwanekî tirimbêlan ber bi Goristana Şehîdên Şedadê ve ketin rê.

Piştî ku karwan gihaşt goristanê, merasîmê bi toraneke leşkerî dest pê kir. Paşê, bi navê YPG`ê fermandar Mecid Şedadê û bi navê Saziya Malbatên Şehîdan Nacî Necûm, axaftin kirin.

Axaftvanan sersaxî ji malbatên şehîdan re xwest û wiha got: "Bi saya şehîdên me, em bi azad û bi rûmet dijîn." Axaftvanan soza şopandina rêya şehîdan da ku ew ê armancên wan pêk bînin.

Paşê wesîqetên şehîdan ji aliyê endama Saziya Malbatên Şehîdan Ayet Ibrahîm ve hatin xwendin û radestî malbatên şehîdan hatin kirin.

Piştre di nava tilîliyên dayikan û dirûşmên `Şehîd namirin` de her çar şehîd hatin oxirkirin.

(jo)

ANHA