‘Çeka min li erdê nehêlin’

Bi biryara wî ya bi tevlêûna nava şoreşê re her tişt tê guhertin. Şehîd Hogir Erebo bi şoreşgeriya xwe tê nasîn û cihê xwe di xebatên avakirina hêzên parastinê de girtiye.

NÛÇE

26 cotmeh, 2018 05:08

ŞÎNDA EKREM / QAMIŞLO

Şervanê Yekîneyên Parastina Gel (YPG) Hogir Beşîr Erebo (Berxwedan) şehîdê azadiyê, semboleke şoreşa gelan û şoreşa rojavayê Kurdistanê ye.

Têkoşer Hogir Erebo li gundê El-Melêk ê girêdayî navçeya Dirbêsiyê di nava malbateke welatparêz de ji dayik dibe. Têkoşer Hogir di nava 6 bira û 4 xwişkan de birayê herî biçûk e. Di nava malbata xwe de kesekî çalakbûye. Têkoşer Hogir ji ber danûstandina mamosteyên partiya Baasê neçar dimîne ku terka dibistana xwe bike û li rex malbata xwe beşdarî nava xebatên çandiniyê bibe.

Têkoşer Hogir bi dilnermbûna xwe navdar bû û di xebatên tevgera rizgariya Kurdistanê de çalak bûye û ji aliyê hemû malbat û xizmên xwe ve dihat hezkirin.

Der barê kesayeta têkoşer Hogir de pismamê wî Ferhad Erebo diyar kir ku şehîd Hogir bi wêrekî tev digeriya û di serdema desthilatdariya rêjîma Baasê de tu carî neditirsî û salane di şevên Newrozê de navê Rêberê Gelê Kurd Abdullah Ocalan li ser pesarên çiya dinivîsand.

Têkoşer Hogir bi darê zorê sewqî leşkeriya rêjîma Sûriyeyê tê kirin û dema ku şoreşa Rojava dest pê dike vedigere warê xwe û beşdarî nava hêzên parastinê yên şoreşê dibe.

Têkoşer Hogir piştî ku ji leşkeriya rêjîmê vedigere malê, tavilê berê xwe dide nava hêzên parastinê û bi coş beşdarî nava xebatên şoreş û parastina gel dibe. Têkoşer Hogir piştî ku beşdarî nava refên YPG'ê dibe, tavilê derbasî perwerdeyên bîrdozî û leşkerî dibe û hemû hêza xwe dide xizmeta şoreşê.

Têkoşer Hogir beşdarî gelek çalakiyên rizgarkirina herêmê ji desthilatdariya rêjîmê dibe û di rizgarkirina navçeya Dirbêsiyê de roleke pêşeng dilzîze. Piştre têkoşer Hogir li ser xeta sînor a di navbera Rojava û Bakurê Kurdistanê de tê erkdarkirin da ku rê li pêşiya derbasbûna çeteyan ji Tirkiyeyê bigire.

Di 2'yê Cotmeha 2012'an de ango piştî 3 mehan ji beşdarbûna wî ya nava YPG'ê artêşa Tirk a dagirker li dijî dewriyeyeke YPG'ê ya li ser xeta sînor êrîşek pêk tîne û di encamê de şervanê YPG'ê Hogir Beşîr Erebo şehîd dikeve û 2 şervanên din jî birîndar dibin.

Têkoşer Hogir beriya ku şehîd bibe ku bi giranî birîndar bûbû, ji şervanan re wiha gotiye: "Eger hûn şervanên rasteqîn in, hûn çeka min li erdê nehêlin û tola min hilînin."

Cenazeyê şehîd Hogir Beşîr Erebo di roja din de bi merasîmeke biheybet ji aliyê rêhevalên wî tê oxirkirin.

(jh)

ANHA