Li Tirbespiyê baxçeyê zarokan hate vekirin

Komîteya Perwerdeya Civaka Demokraîtk-Jin (KPCD- Jin) baxçeyê zarokan bi navê "Gulên Rojava" bi tevlîbûna bi dehan zarok, vekir.

NÛÇE

20 cotmeh, 2018 12:30

QAMIŞLO

Di çarçoveya kar û xebatên KPCD-Jin, îro li navçeya Tirbespiyê baxçeyê zarokan bi şahiyekê vekir. Bi dehan zarok û malbatên xwe beşdarî şahiyê bûn.

Di şahiyê de yek ji rêveberên KPCD-Jin a kantona Qamişlo Ibtîsam El-Hisên bi xêrhatina beşdaran kir û destnîşan kir ku ew weke KPCD-Jin armanca wan ji vekirina baxçeyên zarokan ku nifşekî zane û perwerdekirî were afirandin.

Her wiha Ji rêveberên KPCD-Jin a navçeya Tirbespiyê Rojbîn Şakir jî teqez kir ku hemû destkeftî bi saya xwîna şehîdên gelê Bakur û Rojhilatê Sûriyê hatine bidestxistin.

Paşê deriyê baxçe ji aliyê Zozan Ebas ve ya ku rola wê di vekirina baxçe de hebû, hate vekirin.

Baxçeyê Gulên Rojava ji 5 odeyan pêk tê. 5 mamoste jî ji bo birêvebirina baxçeyê zarokan têne amadekirin.

Zarokên temenê wan di navbera 3 -5 salî dikarin navê xwe di bexçe de qeyd bikin.

Tê payîn ku di dmên pêşde beşê mûzîk û wênesaziyê jî werin vekirin.

(bx)

ANHA