Çalakiyên hunerî yên ji bo piştgiriya pêngava rizgarkirina Efrînê didomin

Çalakiyên hunerî yên bi armanca piştgiriya pêngava rizgarkirina Efrînê îro li navçeya Ehdaş a Şehbayê hatin lidarxistin.

NÛÇE

30 îlon, 2018 17:19

ŞEHBA

Çalakiyên hunerî yên bi armanca piştgiriya pêngava rizgarkirina Efrînê ku ji aliyê Tevgera Çand û Hunerê ve hatiye organîzekirin di roja 5‘emîn de didome.

Di çalakiya îro de ku li navçeya Ehdasê ya Şehbayê hatibû lidarxistin endama Tevgera Çand û Hunerê Ronahî Şêxo axivî û armanca çalakiyan diyar kir.

Ronahî diyar kir ku armanca wan a çalakiyan piştgiriya pêngava rizgarkirina Efrînê û parastina çanda Efrînê ye, he wiha moral bibe şêniyan.

Paşê, Koma Çiyayê Kurmênc a dîlanên filoklorî ya girêdayî Tevgera Çand û Hunera Demokratîk dîlanên Kurdî pêşkêş kir.

Her wiha Koma Afrinerên Hêviyê şanoyek derbarê bi hevgirtinê hêza mirovan xurt dibe û bi cûdahî hêza mirovan lawaz dike, pêşkêş kir.

Di çalakiyê de, Koma Rojava şahoyeke li ser êrîşên dagirkeriya Tirkiyê yên li hemberî şênî û zarokên Efrînê û berxwedana li dijî dagiarkeran hate meşandin pêşkêş kir.

Çalakî bi stranên Koma Efrînê û gerandina xelekên dîlanan bi dawî bû.

Tê payîn ku çalakî li navçeyên Şehba û Şêrawa dewam bikin.

ANHA