Li Tebqa du şehîd hatin oxirkirin û li Reqayê sersaxî hate xwestin

TEBQA

Bi tevlîbûna sedan welatiyên herêma Tebqayê cenazeyê şervanê QSD‘ê Samî Iwêcan (Samî) û endamê Hêzên Ewlekariya Hindirîn Îbrahîm El-Qesab ji nexweşxaneya Tebqayê wergirt û bi karwanekî berê xwe da Goristana Şehîdan a Tebqayê.

Li goristanê merasîm bi deqeyek rêzgirtina leşkerî ve destpê kir. Hevserokê Desteya Parastinê ya Tebqayê Mihemed Elî Xalid axivî û sersaxî ji malbatên şehîdan re xwest û got: "Şehîd namirin, madem ku li pey wî bi hezaran kes hene ku xeta wan dişopînin, xwîna şehîdan wê li erdê nemîne".

Rêvebera Saziya Malbatên Şehîdan  Emîna Ebdulrezaq şehîd bi fenda ku riyê ronî dike wesifand û sersaxî ji malbatên herdu şehîdan re xwest.

Di merasîmê de, serokê Buroya Partiya Sûriyeya Pêşerojê Musena Ebdulkerîm axivî û got: "Şehîd mişeleya ronahiyê ne, ji bo azadiya gelan benda xwe kirine mertal".

Hevseroka Meclisa Rêveber a Tebqayê Hind El-Elî jî axivî û anî ziman ku QSD‘ê hêza parastin û aşîtiyê ne, ne hêzeke êrîşkar e, Sûriye dê welatekî ne navendî û demokratîk be.

Di dawiya merasîmê de nasnameya şehîdan hate xwendin û radestî malbatan hate kirin.

Cenazeyên şehîdan bi dirûşmên ‘Şehîd Namirin’ û tilîliyan hatin veşartin.

REQA

Bi sedan şêniyên herêma Reqayê ji malbatên şervanên QSD‘ê Nayif El-Elî (Elî El-Iraqî) û Hisên El-Nûman (Riûd) re sersaxî xwestin.

Di bin konê sersaxiyê de merasîmeke hate lidarxistin. Piştî deqeyek rêzgirtin li ser giyanên cangoriyên têkoşîna azadiyê endamê Saziya Malbatên Şehîdan Ebûd El-Ewd, fermandarê QSD‘ê Feysel Ebû Ezîz û Hevseroka Meclisa Xeta El-Kalta Horiya Eqîd axivîn.

Di axaftinan de sersaxî ji malbatên şehîhdan re hate xwestin û soza şopandina xeta şehîdan hate dayîn.

Merasîm bi dirûşmeyên silavkirina berxwedana QSD‘ê bi dawî bû.

ANHA