Di kampanyaya "Piştgiriya Pêngava Rizgarkirina Efrînê " de çalakiyên cuda

ŞEHBA

kampanya bi armanca piştgiriya pêngava rizgarkirina Efrînê ji aliyê Tevgera Çand û Hunerê ve hatiye organîzekirin.

kampanya duh bi meşekê ve li kampa Berxwedan hate ragihandin û îro jî bi çalakiyên hunerî li heman kampê dest pê kir.

Di çalakiyê de, nûnerên Rêveberiya Xweseriya Demokratîk, şênî  rêveberên kampa Berxwedan û endamên Tevgera Çand û Hunerê amade bûn.

Piştî deqeyek rêzgirtin ji bo bîranîna şehîdan, Rêveberê Tevgera Çand û Hunerê ya Efrînê Niyazî Seydo axivî û got: "Artêşa Tirk a dagirkeer bi armanca qirkirina çandî û nasnameya gelê Efrînê êrîşî Efrînê kirin."

Seydo got, gelê Efrînê li hemberî teknîka şer a dagirkeran 58 rojan li ber xwe da û berxwedana xwe niha li kampan didomîne.

Piştî axaftina rêveberê Tevgera Çanda û Hunerê koma dilanên filklora Kurdî ya girêdayî Tevgera Çand û Hunerê tabloyên dîlanan pêşkêş kirin.

Her wiha koma Rojava ya  stranan û koma Afrînerên hêviyê ya şanoyê û koma Berxwedan a stranan berhemên xwe pêşkêş kirin.

Çalakî, bi gerandina xelekên dîlanan li ber stranan bi dawî bû.

Tê payîn ku çalakî dê li hemû navçeyên Şehbayê bêne organîzekirin.

ANHA