'Soza beşdarkirina hemû keçikên cîhanê di dibistanan de dan'

NAVENDA NÛÇEYAN

130 milyon keçikên cîhanê ji mafê perwerdehiyê û çûndina dibistanan bê par in, ev yek metirsiya xizantiya zanistî û ducaniya di temenên biçûk de û tundiya cinsî li ba kesên mê zêde dike. Li ser vê yekê dewletên Fransa, Birêtaniya û Kanada soza xebatan dan da ku hemû keçikên cîhanê bi hatina sala 2030 zanistan ji dibistanan werbigirin û bi taybet li Afrîqiyayê.

Serokê Fransa Emanwêl Makron, Seroka Hikûmeta Birêtaniyayê Têrêza May û serokwezîrê Kanada  Jastin Trodo li pêşiya Netewên Yekbûyî ragihandin ku dê ji bo beşdarkirina hemû keçikên cîhanê beşdarî di dibistanan de xebatên xwe zêde bikin û bi taybet keçikên Afrîqiyayê.

Hersê serokan diyar kirin ku dê hevkariyeke navnetewî di perwerdehiyê de çêbikin û dê sindoqekê bi qasî 2.5 milyar dolar di sê salan de pêk bînin.

Têrêza May xemgîniya xwe anî ziman û wiha got: "niha 130 milyon keçik di cîhanê de ji dibistanan bê par in." Makron jî wiha got: "Divê bi hatina sala 2030'î 440 milyon zarokên Afrîqiya beşdarî dibistanan bêne kirin."

Makron da zanîn ku %63 ji kesên xwendin û nivîsandinê di cîhanê de nizanin jin in û got ku hin sedemên li pêşiya keçikan di wergirtina zanistê de dibin asteng xizantî, ducaniya di temenên bi çûk de, tundiya cinsî û pîvanên hişk ên civakê.

Hevkariya navnetewî ya perwerdehiyê ku ji sala 2002'yan ve hatiye destpêirin û hewl dide binesaziya perwerdehiyê di cîhanê de xurt bike.