Xebatên Buroya Jinan a Partiya Sûriyeyê ya Pêşerojê ya Reqayê

EMÎNE EL-ELÎ / REQA

Jin bingeha civakê û di hemû waran de pêşeng in. Piştî şoreşa jinan a Bakurê Sûriyeyê, jinan yekser bi rola xwe di hemû warên siyasî, leşkerî û civakî de lîst.

Bi avakirina Partiya Sûriyeyê ya Pêşerojê re, jinan xwe di nav partiyê de birêxistin kir û gelek buroyên taybet li hemû bajar û herêman vekir. Rêjeya tevlêbûna jinan di pariyê de gihaşt ji sedî 50 li tevahiya Bakurê Sûriyeyê.

9 navendên partiyê li tevahiya Bakurê Sûriyeyê hene. Di her navendekî de buroyek taybet bo jinan heye. Têkildarî mijarê di hevdîtinek bi ajansa me re seroka Buroya  Jinan a Partiya Sûriyeyê ya Pêşerojê Sûad Xilo axivî û destnîşan kir ku ji pêşîn xebatên partiyê avakirina nifşek jinan ku bi xebata jinan di warê siyasî de û karînên wê di hemû waran de bawer bin.

Sûad wiha domand: "Ji destpêka avakirna partiyê de ji 3 mehan ve, ji bo nasandina partiyê bi jinan em xebitîn û di vî warî de me gelek civîn û panel li dar xistin."

Her wiha Sûad destnîşan kir ku bi armanca pêşxistina jinan û çalakirina tevlîbûna wan di warê siyasî de ji bo hevdîtinan bi partiyên siyasî re dixebitin.

Di berdewama axaftina xwe de Sûad tekez kir ku divê jin di hemû sazî û yekitiyên jinan de rola jinan di warê siyasî de û hemû warên jiyan de xurt bikin.

Di dawiya gotinên xwe de seroka Buroya Jinan a Partiya Sûriyeyê ya Pêşerojê ya Reqayê Sûad Xilo got ji ber binpêkirinên DAIŞ'ê der heqê jinan de jin lawaz ketine û ji mafê xwe xwendinê bê par mane, ji ber wê partî hewl dide dibistanên fêrkirina xwendin û nivîsandinê veke.

(şx)

ANHA