Cenazeyê şehîdê Şerê Tunekirina Terorê hate oxirkirin

Bi sedan şêniyên gundewarên rojavayê Dêrazorê cenazeyê şervanê QSD`ê ku di pêngava dawîn a hemleya Bagera Cizîrê ya bi navê "Şerê Tunekirina Terorê" de li dijî çeteyên DAIŞ`ê şehîd bû, li Goristana Şehîd Xidir El-Hemade ya gundê Ebû Xeşeb, oxir kir.

NÛÇE

17 îlon, 2018 11:04

DÊRAZOR

Bi sedan şêniyên gundewarên rojavayê Dêrazorê û saziyên civaka sivîl û leşkerî tev li merasîma oxirkirina cenazeyê şehîd Zêdan Abdulrehman (Ûsama) bûn ku di 15`ê Îlonê de di pêngava dawîn a hemleya Bagera Cizîrê ya bi navê "Şerê Tunekirina Terorê" de şehîd bûbû.

Li goristanê merasîmê bi rêzgirtinê dest pê kir, her wiha toreneke leşkerî ji aliyê şervanên QSD`ê ve hate lidarxistin. Paşê bi navê Meclisa Zagonsaz a Dêrazorê Merwan El-Fetîh axivî û sersaxî ji malbata şehîd re xwest û got armanca şehîdan ew e ku bigihîjin azadiyê û gelê bindest rizgar bikin. El-Fetîh di axaftina xwe de soza şopandina rêya şehîdan heta azadî û serkeftinê da.

Her wiha bi navê Saziya Malbatên Şehîdan Wefa El-Celal axivî û diyar kir ku her çi bobêjin jî lê mirov nikare bi axaftinan mezinbûna şehîdan bîne ziman.

Paşê wesîqeta şehadetê ji aliyê yek ji rêveberên Saziya Malbatên Şehîdan Wefa El-Celal ve hate xwendin û radestî malbata şehîd hate kirin. Di dawiyê de cenazeyê şehîd di nava dirûşm û tilîliyan de hate oxirkirin.

(bx)

ANHA