Li Kobanê Kenîseya

KOBANÊ

Komîteya Xiristiyan a Kantona Kobanê ya herêma Firatê ji bingeha têgeha netewa demokratîk û jiyana hevbeş di navbera hemû pêkhate û olên herêmê de, kenîseyeke bi navê Biratî vekir.

Tevî dehan şêniyên bajêr hevserokê Meclisa Tevgera Civaka Demokratîk Ehmed Şêxo, hevserokê Desteya Hundirî a Kantona Kobanê Bozan Xelîl û nûnerên partiyên siyasî û saziyên civaka sivîl tev li merasîma vekirinê bûn.

Mersaîm bi deqeyek rêzgirtinê li ser giyana şehîdan dest pê kir. Piştre hevserokê Meclisa TEV-DEM'ê Ehmed Şêxo axivî û biratiya gelan û jiyana hevbeş di bin banê Rêveberiya Xweseriya Demokratîk de tekez kir û destnîşan kir ku vekirina vê kenîseyê berhemên keda şehîdan e.

Di berdewamiya axaftina xwe de Ehmed diyar kir ku hin alî dixwazin fitne û fesadî di navbera pêkhateyên herêmê de biçînin. Lê ev hewldan têk çûye û isbata wê vekirina dêrê li Kobanê ye.

Ji aliyê xwe ve endamê rêveber ê kenîseyê Umer Fîras destnîşan kir ku, kenîse berhemên berxwedana Kobanê ye û wiha got: "Bi sedan xort û keçên gelê Kurd û hemû pêkhateyên herêmê canê xwe ji bo Kobanê fedar kirin. Bajarê Kobanê mifteya azadiya Rojhilata Navîn e. Biratiya gelan û jiyana hevbeş ji Kobanê destpê kir."

Piştî bidawîbûna axaftinan xirstiyanan di kenîseyê de nimêj kirin û sûrdên olî xwendin.

(şx)

ANHA