'Hedefgirtina Zekî Şengalî asta bê exlaqiya Tirkiyeyê nîşan dide

NAVENDA NÛÇEYAN

Partiya Nûjen û Demokratîk bi daxuyaniyekê destnîşan kirin ku êrîşa hedefgirtina Endamê Koordînasyona Civaka Êzidî Zekî Şengalî, dê agirê berxwedanê gurtir bike.

Daxuyanî wiha ye:

"Di vê êrîşê de dewleta Tirk hevkarî û piştgiriya xwe bi DAIŞ'ê re carek din isbat dike. Balafirên dewleta Tirk di salvegera 4'emîn a komkujiya gundê Koço de Endamê Koordînasyona Civaka Êzidî Zekî Şengalî hedef girtin û şehîd xistin. Zekî Şengalî rolek girîng di parastina dozên gelê Êzidî û parastina wan ji DAIŞ'ê de lîst. Dibe ku Zekî Şengalî şehîd xistibin, lê bi hezaran têkoşer rêya azadî, rumet û biratiya gelan dişopînin û her wiha amade ne ji bo wê rêyê fedekariyan bidin. Di vê êrîşê de bê exlaqiya Tirkiyê û piştgiriya wê bi DAIŞ'ê derket holê. Zekî Şengalî rêya Rêber Ocalan dişopand û her wiha li hember nêzîkatiyên hikumeta AKPê bi lehengî têkoşiya.  

Partiya Nûjen û Demokartîk piştgiriya fikir û felesefya Ocalan, kadroyên partiyê û hêzên parastinê dike. Her wiha vê êrîşê şermezar dike û bawer e ku ev êrîş dê agirê berxewdanê gurtir bike û şopandina rêya têkoşer Zekî Şengalî û rêhevalên wî tekez bike."

(şx)

ANHA