Li Tebqayê du cangoriyên azadiyê hatin oxirkirin

TEBQA

Girseya gel cenaze ji nexweşxaneya Wetenî  girtin û bi kerwanekî ber goristana Şehîdên Tebqayê ve birin.

Şêniyan cenaze hilgirtin ser milê xwe û li ser dika merasîmê danîn.

Li goristanê merasîmek hate lidarxistin û bi toraneke leşkerî ji aliyê şervanên QSD‘ê ve dest pê kir.

Di merasîmê de ji fermandarê QSD'ê Zinar Kobanê sersaxî ji malbatên her du şehîdan xwest û wiha got:" Ji bo tunekirina DAIŞ'ê, îro li ser sînora Sûriye-Iraqê tenê çend kîlo mître mane. Em ê rêya tekoşînê ta rizgarkirina Bab, Cerablus û Ezazê û derxistian çeteyan ji Sûriyeyê bidomînin."

Zinar Kobanê her wiha tekez kir ku QSD'ê ji bo parastina gelên Sûriyeyê li hember çeteyan û artêşa tirk amade ye biçe her deverê.

Hevseroka Meclisa Rêveber a Tebqayê Hind El-Elî axivî û got û anî ziman ku dewleta Tirk piştgiriya xwe ji terror û çeteyên ku Efrîn, Bab û Idlib dagirkirine re û guheretina demografiya herêmê didomîne.

Hind El-Elî bang li civaka navdewletî kir ku li hember binpêkirinên li Efrînê erka xwe bi cih bînin.

Ji aliyê xwe ve endama rêveber a Komîteya Malbatên Şehîdan a Reqayê Hela El-Hesen axivî û got:" Vaye lehengên QSD'ê yên ku em fêrî wateya fedekarî û lehengiyê kirine. Heya niha û ji bo azadiya gelan û afirandina civakek azad, dilovan, aştî û jiyanek hevbeş de canê xwe feda dikin. Em soza berdewamkirina rêya wan didin".

Di dawiya axaftinan de, endama rêveber a Komîteya Malbatên Şehîdan Reşa El-Hîlal wesîqeyên şehadetê yên her du şehîdan radestî malbatên wan kir.

Şêniyan cenazeyên her du şehîdan di nav berzkirina dirûşmeyên dilsoziya bi şehîdan re spartin axê.

ANHA