Şandeyeke Amerîkayê serdana Reqayê dike

Şandeyeke Amerîkayê bi serokatiya sefîrê Amerîkayê berê li dewleta Behreyn William Robak îro serdana bajarê Reqayê kir û bi endamên Meclisa Sivîl a Reqayê re civiya.

NÛÇE

12 tebax, 2018 09:43

REQA

Îro şandeyeke payebilind a Amerîkayê bi serokatiya sefîrê Amerîkayê yê berê li dewleta Behreynê William Robak û hin fermandarên Koalîsyona Navneteweyî ya li dijî DAIŞ'ê serdana bajarê Reqayê kir. Şande ji aliyê hevserokên Meclisa Sivîl a Reqayê Leyla Mistefa û Ebid El-Mihbaş û hin endamên din ên sazî û komîteyên girêdayî meclisê ve hate pêşwazîkirin.

Şandeya Amerîkayê li Navenda Meclisa Sivîl a Reqayê bi Komîteya Jinûveavakirinê û Komîteya Tenduristiyê û Komîteya Enerjiyê re civiya. Civîna şandeyê li pêşiya çapemeniyê girtî pêk hat.

Hate ragihandin ku şande li rex endamên Meclisa Sivîl a Reqayê dê serdana gelek deverên bajêr bike û dê serdana saziyên têkildarî xebatên jinûveavakirina bajêr bike.

William Robak beriya niha jî serdana bajarê Tebqayê kir û bi hevserokê Meclisa Zagonsaz a Rêveberiya Sivîl a Demokratîk a herêma Tebqayê Hamid El-Ferec re di 2'yê vê Tebaxê de civiya.

Bajarê Reqa di 20'ê Cotmeha sala borî de ji aliyê Hêzên Sûriya Demokratîk ve ji destên çeteyên DAIŞ'ê hate rizgarkirin.

ANHA