Pêşbirka dîlanên filklorî ya zarokan bi dayîna xelatan bi dawî bû

Bi dirûşmeya " Em di dilê zarokên xwe de çand û hunera resen biçînin" Buroya Jin a Şaredariya Gel a Dêrikê ya kantona Qamişlo pêşbirka dîlanên filklorî ya zarokan organîze kir.

ÇAND Û HUNER

8 tebax, 2018 19:25

QAMIŞLO

Buroya Jin a Şaredariya Gel a Dêrikê bi hevkariya Navenda Çand û Hunerê ya Dicle bi tevlêbûna komên zarokan "Koma Esala ya Til Hemîsê, Şengal a kamap Newroz, Govenda Kulîlka Koçerat û Koma Suryan a Yourthotha" pêşbirka dîlanên filklorî organîze kir.

Pêşbirk li stada Kornêş a Dêrikê bi amadebûna bi sedan kesî hate lidarxistin.

Piştî rêzgirtinê, Hevseroka Meclisa Şaredariya Gel Rojîn Çeto axivî û anî ziman ku dîrok şahidiya çanda herêmê ye.

Rojîn anî got ku parastina çand û hunera resen nîşaneya resbûna gelekî ye.

Piştre komên beşdar dilanên xwe yên filklorî pêşkêş kirin. Berhemên ji aliyê komîteya tehkîmê ve hate nirxandinê

Koma Aylanyayê ya girêdayî navenda Çand û Hunerê ya Aram Tîgran stranên filklorî pêşkêş kirin.

Di pêşbirkê de, Koma Asala ya Til Hemîsê di asta yekemîn de, Koma Govenda Kulîlkên Koçerat asta duyemîn û koma Youthotha di asta sêyemîn serketin. Her sê komên serkeftî hatin xelatkirin.

Pêşbirk bi gerandina xelekên dîlanan li gel stranan bi dawî bû.

ANHA