Partiya Sûriya Pêşerojê buroya xwe li Hesekê vekir

Partiya Sûriyeya Pêşerojê bi aramnca berfirehkirina xebatên xwe, buroyek li bajarê Hesekê vekir.

21 tîrmeh, 2018 19:53

HESEKÊ

Bi dehan şêniyên Hesekê, endamên saziyên sivîl, nûnerên partiyên siyasî û rûspiyên êlan beşdarî merasîma vekirina buroya Partiya Sûriya Pêşerojê bûn.

Merasîm bi deqeyek rêzgirtin li ser rihê cangoriyên azadiyên dest pê kir. Piştre endama Rêveber a Buroya Partiya Sûriya Pêşerojê şaxê herêma Cizîrê Ranya Ferman axivî û vekirina buroyê li gelê Sûriyê pîroz kir û got :" Ragihandina avakirina Partiya Sûriya Pêşerojê bi dirûşma 'Avakirina Sûriyayeke pirreng û ne navendî' ji bo bi cihanîna daxwazên şêniyên ku bi yekîtiya Sûriyê bawer in pêk hat. Gel ji hêza xwe bawer e ku dikare nûnertiya xwe bike û hemû biryarên ji bo çareseriya aloziya Sûriyê û afrandina Sûriyayeke azad û demokratîk bigire. "

Ranya wiha li axaftina zêde kir û got :" Em amade ne ku bi hemû saziyên ku destek didin jiyana fikirî, siyasî û civakî, avakirina Sûriyeke demokratîk bibin hevkar."

Piştî axaftinan buro ji aliyê dayîkên Şehîdan ve hat vekirin.

(şx)

ANHA