Goristana Şehîd Mehmûd Tamê tê sererastkirin

Komîteyeke taybet a sererastkirinê bi piştgiriya Saziya Malbatên Şehîdan dest bi sererastkirina Goristana Şehîd Mehmûd Tamê ya kantona Girê Spî kir.

CIVAK Û JIYAN

16 tîrmeh, 2018 12:18

GULÎSTAN MIHEMED / GIRÊ SPÎ

Goristana Şehîd Mehmûd Tamê di sala 2016`an de li gundê Tenhoza yê dikeve rojavayê bajarê Girê Spî hate avakirin. Di goristanê de 172 cenazeyên şehîdên YPG, QSD, hêzên Asayîşê û Trafîkê hatine definkirin.

Saziya Malbatên Şehîdan bi hevkariya Desteya Malbatên Şehîdan a Kantona Girê Spî dest bi armanca sererastkirina goristanê û xemilanda wê kir.

Werşeyên fenî yên girêdayî meclisê dest bi sererastkirina gorên şehîdan û dîwarên goristanê kirin.

Her wiha Saziya Malbatên Şehîdan li dar û kulîlkên goristanê dinêrin. Wekî ku hatiye payîn dê malbatek were diyarkirin da ku li goristanê binêre.

Hêjayî bibîrxistinê ye ku şehîdê QSD`ê Mehmûd Tamê yê ku goristan bi navê wî hate vekirin, di pêngava rizgarkirina bajarê Girê Spî de ji çeteyên DAIŞ`ê di 15`ê Tîrmeha 2016`an de şehîd bû û ew şehîdê destpêkê ku li goristana kanotonê hate oxirkirin.

(bx)

ANHA