Cangoriyên Tirbespiyê bi merasîmekê hatin bîranîn

Meclîsa Malbatên Şehîdan a navçeya Tirbespiyê şehîdên navçeyê yên ku di dem û deverên cuda de şehîd bûne, bîranîn.

NÛÇE

5 tîrmeh, 2018 18:40

QAMIŞLO

Meclîsa Malbatên Şehîdan a navçeya Tirbespiyê ya herêma Cizîrê ji bo bîranîna 78 şehîdên navçeyê yên ku di dem û deverên cuda de şehîd bibûn bi merasîmekê li goristana Şehîd Dilşêr a li gundê Deugurê bi bûr anîn. Sedan şênî tevlî malbatên şehîdan beşdarî merasîmê bûn.

Merasîm bi deqeyek rêzgirtin dest pê kir. Piştre fermendarê YPG'ê Mihemed Zêdan axivî û sersaxî ji malbatên şehîdan re xwest û tekez kir ku bi says yekîtiya gelên herêmê û fedekariya ciwanên wan, herêm ji terora DAIŞ'ê xilas bû.

Li ser navê Meclîsa Malbatên Şehîdan Celal Hisên axivî û hemû şehîdên azadiyê bi bîr û diyar kir ku hemû malbatên şehîdan xeta şehîdên xwe dişopînin û rê nadin ku çete herêmên ku bi xwna şehîdan rizgarkirin, dagir bikin.

Celel Hesên, soza parastina destkeftiyên şoreşê da.

Paşê wesîqeyên şehîdan hatin xwendin û radestî malbatên wan hatin kirin.

Şênî li ser gorên şehîdan mûm vêxistin û çîçek li ser danîn.

(şx)

ANHA