Bi sedan kesî sersaxî ji malbata şehîd Zagros re xwest

QAMIŞLO

Bi sedan şêniyên Til Koçer û navçeyên Girkê Legê û Dêrikê yên kantona Qamişlo ya herêma Cizîrê serdana konê sersaxiyê yê şervanê YPG'ê Hisên El-Fedawî (Zagros) kir û sersasî ji malbata şehîd re xwest.

Konê sersaxiyê li bajarokê Til Koçer hatiye vedan. Kon bi wêneyên şehîdan û sembolên Bakurê Sûriyeyê hate xemilandin.

Di bin kon de merasîma sersaxiyê hate lidarxistin. Merasîm bi rêzgirtinê dest pê kir û paşê endamê Meclisa Navçeya Til Koçer Ebdulmecîd Ebulrehîm axivî û wiha got: "Şehîd di hemû olan pîroz in. Şehîd xwediyên rihê pak û pîroz in, bi berxwedana xwe herêmên Bakurê Sûriyeyê bûn herêmên herî ewle."

Ebdulrehîm di berdewama axaftina xwe de jî destnîşan kir ku dagirkeriya tirk bi hemû rêbazan êrîşî herêmê kir û destkeftiyên gelê herêmê binpê kirin.

Di merasîmê de her wiha li ser navê Meclisa Malbatên Şehîdan a Til Koçer, Kongreya Star, PYD û malbata Şehîd Zagros jî axaftin hatin kirin.

Di axaftinan de sersaxî ji malbatên şehîdan re hate xwestin û soza şopandina rêya şehîdan hate dayîn.

Di dawiya merasîmê de wêneyekî Şehîd Zagros diyarî malbata wî hate kirin.

ANHA