Şêniyên herêma Cizîrê têkoşer Zîlan bîr anîn

Têkoşer Zeyneb Kinaci (Zîlan) ku pêş 22 salan li hemberî zulma dewleta Tirk û komploya li dijî Rêberê Gelê Kurd Abdullah Ocalan çalakiyeke fedayî li dijî leşkerên Tirk lidar xistibû, ji aliyê sedan şêniyên herêma Cizîrê ve hate bîranîn

28 hezîran, 2018 19:22

QAMIŞLO

Merasîmê bîranînê li hola Beylesan a navçeya Amûdê ji aliyê Kongra Star û Yekîtiya Jinên Ciwan ve hate organîzekirin. Bi sedan şêniyên herêma Cizîrê beşdarî merasîmê bûn.

Merasîm bi deqeyek rêzgirtin dest pê kir. Endama rêveber a Kogra Star Mizgîn Ehmed axivî û got:" Şehîd Zîlan ji bo azadiya hemû jin û gelên bindest û li hember kiryarên dagirkeriya Tirk di heqê gelê Kurd e çalakiya fedayî kir".

Mizgîn destnîşan kir û got ku, ji bo avakirina welatekî azad pêwîstî bi fedakariyê heye û wiha domand, " Berxwedan û fedakarî heye roja me ya îro berdewam e. Şehîd Avesta li ser riya şehîd Zîlan meşiya û canê xwe kir agir û di nav dagirkera Tirk û çeteyên wê de xwe teqand".

Ji aliyê xwe ve endama rêveber a Yekîtiya Jinên Ciwan Jînda Qamişlo jî axaftin kir û got ku têkoşer Zîlan bi çalakiya xwe ya fedayane komploya ku li dijî Rêberê Gelê Kurd Abdullah Ocalan vala derxist û bû sembola jinên azadiyê.

Tê zanîn ku têkoşer Zîlan (Zêneb Kinacî) di 30 hezîrana 1996'an de bajarê Dersîmê yê Bakurê Kurdistanê li hember artêşa Tirk a dagirker çalakiya fedayî kir di encamê de 18 serbazên Tirk hatin kuştin û 21 jî birîndar bûn.

Bi heman wesîleyê, li Navenda Yekîtiya Ciwanên Rojava ya bajarê Dêrikê merasîmek ji aliyê Yekîtiya Jinên Ciwan hate lidarxistin. Bi sedan şêniyên herêmê beşarî merasîmê bûn.

(şx)

ANHA