Li Reqayê bermahiyên şer tên paqijkirin

Komîteya Jinûveavakirinê ya Meclisa Sivîl a Reqayê tevî kêmderfetên xwe xebatên xwe ji bo paqijkirina rê û kolanên bajarê Reqayê ji bermahiyên şer berdewam dike.

CIVAK Û JIYAN

15 hezîran, 2018 07:06

EMÎNE EL-ELÎ / REQA

Komîteya Jinûveavakirinê derxistina bermahiyên şer ji bajarê Reqayê berdewam dike. Komîte niha xebatên xwe li kolana El-Qîtar, taxa El-Tewesûhiyê dide meşandin û hewl dide pirên hilweşiyayî ji nû ve ava bike.

Çavdêrê xebatên jinûveavakirinê endezyar Sedam El-Şihab behsa rewşa kar kir û got ku xebatên wan ên derxistina bermahiyên şer ji bajêr berdewam e û wiha pê de çû: "Bermahiyên ji bajêr tên derxistin di avakirina piran de wekî pira El-Sewamêh, pira Reqa El-Semra tên bikaranîn.”

El-Şihab got ku wan 28 kolanên sereke yên bajêr paqij kirine. Her wiha bajar dabeşî 16 beşan hatiye kirin û xebatên li 11 beşan bi dawî bûne.

El-Şihab destnîşan kirk u wan bêtirî 270 hezar metrekabik bermahî ji bajêr derxistine. El-Şihab der barê astengiyên rastî wan tên de axivî û got ku hejmara alavên wan kêm in.

(jh/ew)

ANHA