Desteya Niştimanî ya Erebî: Tirkiyê hewl dide xewnên xwe yên nexweş bi cih bîne

NAVENDA NÛÇEYAN

Desteya Niştimanî ya Erebî derbarê polîtîkeyên dagirkeriyê Tirkiyê yên dijberî Sûriyê û Iraqê û gefxwarinên wê yên li ser Qendîlê daxuyanî da.

Di daxuyaniyê de hate gotin; "Tirkiyê êrîşên xwe yên bi armanca pêkanîna xewna xwe ya nexweş û zindîkirina serdama mîtîngeriya Osmanaiyan, li dijî gelê herêmê bi taybetê gelê Kurd didomîne.

Di şert û meçên ku herêmê tê re derbas dibe de, dewleta Tirkiyê ji bo pêkanîna armancên xwe di Sûriyê û Iraq de bihaneyên ne di cih de wekî şerê ‘Terorê‘ di avêjin. Mebesta Tirkiyê jî ew e ku herêmên wekî mîrasên Osmaniyan bi nav dikin mîna Nînewa, Şengal, Kerkûk dibînin, tevlî Tirkiyê bikin, ne tenê wisa, lê dixwaze li herêmên din ên derdoraê jî berfireh bibe. Niyeta Erdong û fermandarên partiya wê yên dagirkirina Mûsil, Kerkûk û Helebê jî di gelek caran de derket holê.

Dewleta mîtînger ji nakokiyên navdewletî sûdê werdigire û komkujiyên xwe yên li dijî gelên herêmê bê navber didomîne. Herî dawî herêmên Sûriyê wekî Cerablus, Bab û Efrîn  li pêşberî raya giştî dagir kirin.

Erdogan bi gefên xwe yên li dijî Qendîlê û Tevgera Rizgariya Kurdistanê hemû hêzên azadîxwaz hedef digire û dixwaze serdema Osmaniyan vejîn bike.

Em wekî Desteya Niştimanî ya Erebî piştgiriy xwe bi gelê Kurd li seranserî Kurdistanê, bi taybet Qendîlê diyar dikin û bang li rêxistinên navdewletî û hêzên cîhanî dikin ku sînorekî ji zêdegaviyên Erdogan û kiriyarên wê yên li dijî gelê Kurd re deynin.

(bb)

ANHA