Buroya Meclîsa Jinên Sûriyê li Minbicê hate vekirin

Meclîsa Jinên Sûriyê bi armanca rêxitinkirina jinên Minbicê û aktîvkirina rola wan di civakê de bi merasîmekê buroya xwe li Minbicê vekir.

13 hezîran, 2018 14:25

MINBIC

Di merasîmê de, şandeyek Meclîsa Sûriyeya Demokratîk (MSD), Meclîsa Jinên Sûriyê, jinên navend û saziyên bajarê Minbicê amade bûn.

Di merasîmê de Koordînatora Giştî ya Meclîsa Jinên Sûriyê Lîna Berekat axivî û got ku di Kongreya 1'emîn a Meclîsa Jinên Sûriyê de biryara vekirina şaxên meclîsê li hemî herêmên Sûriyeyê hat girtin û wiha domand:" Bi vekirina Buroya li Minbicê, jin dikare bi azadî, cesaret û bi israr tevlî xebatên hemî rêveberiyan û saziyan bibe".

Her wiha li ser navê Buroya Jin a Meclîsa Sûriyeya Demokratîk Îlham omer diyar kir ku vekirina Buroya Meclîsa Jinên Sûriyeyê li Minbicê gaveke mezin e û got ku divê ev navend bibe cihê rêxistinkirina jinan da ku rola bi awayekî hîn xurtir bilîzin.

Di merasîmê de, axaftin bi navê Rêveberiya Sivîl a Demokratîk a Minbicê û gundewarên wê, Buroya Jinê Meclîsa Jinên Sûriyê (Şaxê Minbicê) û hejmarek ji saziyên sivîl ên bajêr ve hatin kirin. Kesên axivîne vekirina Buroyê pîroz kirin.

(şx)

ANHA