Şêniyên Reqayê sersaxî ji malate Endamê Komîteya Ciwanan re xwestin

Bi sedan şêniyên Reqayê sersaxî ji malbata Endamê Komîteya Ciwanan û Sporê ya Reqayê Imad El-Mihawiş re xwestin. El-Mihawiş dema erka xwe pêk tanî di encama qeza tirafîkê de şehîd bû.

9 hezîran, 2018 12:19

REQA

Endamê Komîteya Ciwan û Sporê ya Reqayê Imad El-Mihawiş dema erka xwe pêk tan, di encama qezaya Tirafîkê de jiyana xwe ji dest da. Konê sersaxiyê li deriyê malbata wî ya li herêma El-Kesrat hate vekirin.

Bi sedan welatiyên Reqayê bi armanca sersaxiyê berê xwe dan konê sersaxiyê ya li herêma El-Kesrat hate vekirin.

Di bin konê sersaxiyê de piştî rêzgirtinê axaftin hatin kirin. Li ser navê Meclîsa Ciwanên Sûriya Demokratîk Yûsif El-Şemrî, li ser navê Meclîsa Jinên Azad Meryem El-Ebo û li ser navê Şêxên eşîrên ereba li herêmê Mihemed El-Elî axivîn.

Di axaftinan de sersaxî ji malabtên şehîdan re hate xwestin û hate gotin ku gelê herêmê bi jiyana hevbeş û biratiya gelan herêmên xwe birêve dibin.

Li ser navê Komîteya Ciwanan û Sporê jî Enwer El-Ehmed axivî û sersaxî ji malbata şehîd û hemû hevalên wî re xwest û got ku dê ciwan bi tekoşîna xwe serbikevin û soza şopandina riya şehîdan da.

Girseya gel bi diruşmeyan ji bin kon derketin.

(dc)

ANHA