Polîsên Tirafîkê li bajaroka El-Cirniyê xebatên xwe fireh dike

Polîsên Tirafîkê yên girdayî Hêzên Ewlekariya Hindirîn a bajaroka El-Cirniyê ya bakur-rojavayê Tebqayê li riyên ketin û derketina bajarok, her wiha di nava bajarok de jî tirafîkê birêxistin dikin. Niha jî amadekarî tê kirin ku noqteyên kontrolkirina tirafîkê di nava bajaroka de were zêdekirin.

9 hezîran, 2018 06:51

TEBQA

Polîstên Tirafîkê yên bajaroka El-Cirniyê ji beriya 6 mehan ve kar û xebatên xwe bi armanca rêxistinkirina çûn û hatinê û parastina ewlekariya welatiyan karê xwe didomîn in. Rê li ber qelebalix û astengiyên li pêşiya tirafîkê bi taybet li kolanên sereke digirin. Di heman demê de belgeyên fermî yên erebeyan kontrol dikin.

Endamê Rêveber ê Tirafîka Polîsên Tirafîkê yê navçeya El-Cirniyê Ebdulqadir El-Cok derbarê kar û xebatên xwe de ji ajansa me (ANHA) re axivî û got ku me reşkirina camên erebeyen qedexe kir û wiha dom kir: "Ev bi biryara fermandariya polîsên Tirafîkê pêk hat. Ajokariya motorskêltan bi awayekî bê ser û ber ku ji aliyê kesên temenê wan kêmî 18 salan hatiye qedexekirin, heger pêk hat motorsklêta wan dê were destserkirin."

Polîsên Tirafkî li bajar sê noqteyên xwe li bajaroka El-Cirniyê çêkirine û niha amadekarî tê kirin ku hin noqteyên din werin zêdekirin, di heman demê de dewriyeyên şev û roj jî digerin, armanca wan ew e ku belgeyên fermî yên erebeyan kontrol bikin.

Li gorî pîlana pêşerojê dê polîsên Tirafîkê li bajaroka Til Osman a li bakurê El-Cirniyê odeya polîsên tirafkî vebike.

(dc)

ANHA