Gelê Hesekê şehîdekî xwe oxir kir

HESEKÊ

Bi sedan welatiyên bajarê Hesekê cenazeyê şervanê Hêzên Erka Xweparastinê Abdullah El-Eqre yê ku di çarçoveya Pêngava Bagera Cizîrê de Şehîd bû, ji navenda Meclîsa Malbatên Şehîdan a bajarê Hesekê wergirtin û bi kerwanekî erebeyan ku bi wêneyên şehîdên û çîçekan hatibû xemilan ber bi goristana Şehîd Dijwar a li gundê Dawidiyê ve bi rê ketin.

Li goristanê cenaze ji aliyê bi sedan kesî ve di nava dirûşemeyan û sembolên serketinê de hate pêşwazîkirin.

Li vir merasîmeke leşkerî ji aliyê şervanên Hêzên Erka Xweparastinê, YPJ û YPG'ê ve hate lidarxisitn.

Endama Meclîsa Malbatên Şehîdan a bajarê Hesekê Samiya Xelîl axivî. Samiya di axaftina xwe de sersaxî ji malbata şehîd û tevahî gelên Bakurê Sûriyê re xwest û got ku, şehîd sembola azadî û rûmeta gela e.

Ji feramandarên Hêzên Erka Xweparastinê Salim Îbarhîm jî axaftin kir û ev tişt anî ziman, "Şehîdan yekîtiya gelan ava kirin û Bakurê Sûriyê rizgar kirin."

Salim Îbrahîm soza şopandina xeta şehîdan nû kir.

Di berdewama merasîmê de, Endamê Tevgera Civaka Demokratîk Farûq Tozo jî bal kişand li ser hewldaên dewleta Tirk a dagirker ên li hemberî  îrade û yekîtiya gelên Bakurê Sûriyeyê û ev tişt anî ziman, "Dewleta Tirk a dagirker ji bo têkirina îradeya gelên Bakurê Sûriyeyê û parçekirina wan dixebitin. Şehîd ên ku pilanên dagirkeriya Tirkiyê têk dibin û bi xwîna xwe xaka herêmê av dan."

Piştî axaftinan nasnameya şehîd hate xwendin û radestî malbata wî hate kirin.

Şervanan cenaze hilgirtin ser milên xwe û di nava dirûşemeyan û tîlliyan spartin axê.

(bb)

ANHA