Komîteya Çandiniyê ya Tebqayê piştgiriya xebatên çandiniyê dike

Komîteya Çandiniyê ya girêdayî Meclîsa El-Curniyê dest bi jimartina zeviyên çandiniyê dike û destûrên çandiniyê di çarçoveya alîkariya bi xebatên çandiniyê li herêmê de pêşkêşî cotkaran dike.

28 gulan, 2018 06:10

ISMEHAN UMER / TEBQA

Li ser biryara Karîgeriya Çandiniyê ya girêdayî Rêveberiya Sivîl a Demokratîk a herêma Tebqayê, Komîteya Çandiniyê ya Meclîsa El-Curniyê jimartina zeviyên çandiniyê dest pê kir. Di encamê de hejmara cotkarên li ba komîteya çandiniyê hatine qeydkirin û destûr wergirtine 187 cotkarên El-Curniyê û gundewarên wê ne. Jimartina zeviyan hêjî berdewam dike.

Armanc ji vê yekê ew e ku tedbîrên qanûnê bêne standin û rêbazên alîkariya bi cotkaran re bêne hêsankirin, weke peydakirina tova çandiniyê, semad û sotemeniyê.

Li gorî Komîteya Çandiniyê dê ji bo her hiktareke zeviyan 20 lître mazot û 400 kîlo seman peyda bike. Her wiha dê tova çandiniyê jî bi hemû cûreyên wê di herdu demsalên havîn û zivistanê de peyda bike.

Girêdayî mijarê Endamê Komîteya Çandiniyê ya bajaroka El-Curniyê Xalid El-Şihab got ku çalakiya qeydkirina cotkaran hêjî berdewam dike û dê li seranserî herêmê pêk were.

El-Şihab got ku ev çalakî dikeve xizmeta cotkaran da ku bi hêsanî alîkariya wan a çandiniyê were kirin û karibin hilberîna xwe ya çandiniyê bi hêsanî bifiroşin.

(jh)

ANHA