Partiya Sûriya pêşerojê: Tekoşîna me ji gelê Sûriyê ye

MINBIC

Partiya Sûriya Pêşerojê di çarçoveya rêzecivînên ji bo danasîna partiyiê têne lidarxistin, yekem civîna xwe li bajarê Minbicê lidar xist.

Civîn bi beşdarbna dehan rewşembîr, siyasetmedar û welatiyên Minbicê li salona civînan a Meclîsa Zagonsaz  hate lidarxistin.

Serokê Partiya Sûriya Pêşerojê Îberehîm El-Qeftan û Sekretera Giştî ya Partiyê Hevrîn Xelef serkêşiya civînê kirin.

Di civînê de El-Qeftan di rêgezên sereke yên partiyê şîrove kirin û got ku partiya wan dê bibe dengê rast ê hemû gelê Sûriyê û ev tişt anî ziman: "Gelê Sûriyê gelek rewşên şer û derbeyan derbas kir. Rêjîma Baas ji hemû tiştê bi serê gelê Sûriyê ve hatiye berpirsyare."

El-Qeftan di berdewama axaftina xwe de jî got ku ew ê siyaseta qebûlkirinê û danûstendina bi hemû aliyan re bidin meşandin û wiha dom kir: "Em ê berê xwe nedin tu dewletên derve. Li Efrînê siyasetên tundî û guhertina demografîk hatiye meşandin. Sîstema wê hatiye guhertin. Partiya me dê bibe dengê hemû gelê Sûriyê û dê berjewendiyên gelê me biparêze, her wiha dê xizmeta hemû beşê civkakê bike."

Di berdewama civînê de Sekretera Giştî ya Partiyê Hevrîn Xelef jî axivî û ev tişt anî ziman: "Dem hatiye ku em ji wêranî, tundî û koçberiyê re bêjin êdî bese. Damezirandina partiya me dê bibe destpêkirina dawî anîna aloziya Sûriyê. Armanca partiya me parstina yekîtiya Sûriyê  û jiyana hevbeş e. yek ji armancên me rakirina guhertina demografî a herêmê guhertina destûra Sûriyê ye."

Di dawiya civînê de jî bersiva pirsên beşdaran hate dayîn.

(dc)

ANHA