′Ji bo wefedariya bi şehîdan re emê heta dawiyê şopdarê riya wan bin′

QAMIŞLO

Bi sedan şêniyên Girkê Legê, Çilaxa, Dêrik, endamên Erka Xweparastin, Hêzên Asayîşê berê xwe dan gundê Qastipan ê girêdayî navçeya Çilaxa û sersaxî ji malbata şehîd re xwestin.

Merasîma sersaxiyê bi rêzgitin hate destpêkirin. Paşê bi navê Hêzên Leşkerî yek ji fermandarên YPG`ê Mihyedîn Xêrikî axivî û sersaxî ji malbata şehîd re xwest  û got ku şehîdên me ji bo parastina axa welatê xwe canê  xwe feda dikin.

Di dawiyê de Xêrikî soza bilindkirina tekoşînê û şopandina riya şehîdan heta dawiyê da.

Her wiha yek ji rêveberên Kongreya Star Nafiya Elî axivî û destnîşan kir ku gelê Kurd ji bo parastina axa welatê xwe û deskeftiyên ku bi dest xistiye berxwedaniya xwe didomîne. Her wiha Nafiya bêdengiya navdewletî derbarî êrîşên li ser gelê Bakurê Sûriyê û kiriyarên artêşa Tirk a dagirker şermezar kir.

Ji aliyê xwe ve li ser navê Tevgera Civaka Demokrîtk (TEV-DEM) Tacedîn Abdullah axivî û got ku ji bo wefedariya bi şehîdan re emê heta dawiyê şopdarê riya wan bin.

Di dawiyê de wesîeta şehadetê hate xwendin û radestî malbata wî hate kirin.

Merasîma sersaxiyê bi dirûşmeyên şehîd namirin bidawî bû

(bx)

ANHA