Gelê Qamişlo cenazeyê şehîd Roza Efrîn oxir kirin

Bi sedan şêniyên Kantona Qamişlo şervana YPJ′ê Roza Efrîn di nava tîlîliyên dayîkan de, oxir kirin.

NÛÇE

13 gulan, 2018 15:36

QAMIŞLO

Girseya gel cenazeyê şervana YPJ′ê Sultan Koto (Roza Efrîn) ku 2′yê meha Gulanê di encama nexweşiyeke giran de şehîd bûye, ji morga şehîdan a taxa Enteriyê ya bajarê Qamişlo wergirtin û ber bi goristana Şehîd Delîl Sarûxan ve ketin rê.

Li goristanê merasîma oxirkirinê bi deqek rêz û toraneke leşkerî dest pê kir. Piştre li ser navê Meclîsa Malbatên Şehîdan a Kantona Qamişlo Mihyedîn Hisê axivî, sersaxî ji malbata şehîd re xwest û wiha got, ″Herêmên bi xwîna şehîdan hatine rizgarkirin em tu carî bernadin. Berxwedanê Serdemê ya li dijî dagirkeriya Tirk dê bi pêşengiyê jinê heta rizgarkirina çar parçeyên Kurdistanê bidome.″

Fermandarê YPG/YPJ′ê Rûbar Qamişlo jî axivî û da zanîn ku xeyalên şehîd Leyla Qasim bi fedekariya şehîdên wekî Roza pêk tên. Rûbar soza şopandina riya şehîdan û Rêberê gelê Kurd Abdullah Ocalan dubare kir.

Di dawiyê de nasnameya şehîd hat xwendin, radestî malbata wê hat kirin û cenazeyê wê di nava tîlîliyên dayîkan de hat veşartin.

(mk/mm)

ANHA