Merasîma xiyabî ji bo şehîd Darîn Deniz hat lidarxistin

Meclîsa malbatên Şehîdan a bajarê Minbicê merasîmeke xiyabî ji bo şervana Meclîsa Leşkerî ya Minbicê Asya Mustefda (Darîn Deniz) ku di Berxwedana Serdemê de şehîd bûye, li dar xist.

NÛÇE

12 gulan, 2018 14:26

MINBIC

Merasîma xiyabî bi beşdariya şervanên Meclîsa Leşkerî ya Minbicê, Fermandarê Giştî yê Meclîsa Leşkerî ya Babê Cemal Ebû Cuma, endamên saziyên sivîl, Meclîsa Malbatên Şehîdan û bi sedan gelê Minbicê, hêzên Erka Xweparastinê, Meclîsa Ciwananên Minbicê û Yekîtiya Jina Ciwan amade bûn.

Merasîm bi toraneke leşkerî dest pê kir. Piştre bi navê Meclîsa Malbatên Şehîdan Fatma Deba, Hevseroka Komîteya Parastinê ya girêdayî Meclîsa Rêveber a Rêveberiya Sivîl a Demokratîk a Minbicê Nofa Silêman û bi navê Rêveberiya Sivîl a Minbicê Elî Cemîlî axivîn.

Di axaftinan de sersaxî ji malbata şehîd re hat xwestin û da zanîn ku gelên Bakurê Sûriyê aşiqên azadî û aştiyê ne. Di berdewama axaftinan de hat diyarkirin ku jinê li hember êrîşên dijmin canê xwe feda kiriye û axa welatê xwe parastiye.

Di dawiya axaftinan de soza şopandina riya şehîdan û domandina berxwedanê hat dayîn.

Piştre nasnameya şehîd Asya Mustefa hat xwendin û radestî malbata wê hat kirin.

Merasîma xiyabî bi dirûşmeyên ″Şehîd namirin″ bi dawî bû.

(mm)

ANHA