Li pêşiya Komîteya Aborî projeyên girîng hene

XANDÎ ELO / TEBQA

Ciyê mirîşkan ji 9 beşan pêktê û her beşek ji du hingaran pêktê. Hejmara giştî ya ciyê mirîşkan 18 hingar in. Ji 18 hingaran 10 hingarên li erdê ne û yê dîtir jî qefesin. Dirêjahiya her hingarekê 100 m û ferehiya wê 10 m ye li her hingarekê derdora 15 hezar mirîşk têne bi cih kirin.

Ji 10 hingarên li erdê 8 hingar ên mirîşkên spî ne û 2 hingar jî yên çîçikên mirîşkên spî ne.

Piştî ku çeteyan herêma Tebqayê dagirkirin ciyê mirîşkan ê Ebû Qebîi hat talankirin, hemû alavên wê û 65 hezar mirîşk ji aliyê çetayan ve hatin dizîn.

Çeteyan ciyê xwedîkirina mirîşkan ji bo xwe veguheztibûn kampeke leşkerî. Li ciyê mirîşkan 22 hezar dar hene û mezinbûna wê 20 donime.

Piştî ku ciyê mirîşkan ê Ebû Qebîi ket destê çeteyên DAIŞ`ê de hîn zêdetir hat rûxandin. Çete 3 hingar bi temamî teqandin.

Komîteya Aborî ya Tebqayê girîngiyeke mezin dide vî cihî û dê ji nûve tamîr bike.

Hevserokê Komîteya Aborî ya Tebqayê Ehmed Silêman ji ajansa me ANHA`ê re anî ziman ku komîteya aborî pîlansazî daniye ku 15 hingarên ku hatine rûxandin ji nûve tamîr bike û destbi xwedîkirina mirîşkan bikin.

Li ser girîngiya ciyê mirîşkan jî Silêman wiha got:‟ Bi riya vekirina ciyê mirîşkan ê Ebû Qebîi dê tevgerkirin li bazara Tebqayê çêbibe û hêk û mirîşk bi hesanî werin peydekirin”.

(np)

ANHA