YJŞ: Çarşema Sor Wê Bibe Bingeha Azadiya Êzîdiyan

NAVENDA NUÇEYAN

YJŞ di daxuyaniya xwe de bal kişand ser êrîşên li ser êzîdiyan û got ku ewê heya dawî nirxên civaka êzîdî bi parêzin u wiha pêde çu, “Em jî wek hêzên parastina jinên êzidî vê roja pîroz li zarok û jinên êzidî yên ku hîna  di destê çeteyên Daîş`ê de ne li wan pîroz dikin û bi buneya vê rojê jî em soz didin ku ev roj bibe roja azadiya gelê êzîdî û hemû gelan.”

Daxuyaniya YJŞ’ê wiha ye;

“Rastî û pir rengbuyîna  rojhilata navîn baş tê zanîn ku çavkaniya xwe ji pêkhateyên cuda û bawerîyên cuda re xwe dide naskirin. Axa mezopotamya ya qedîm û ya   rojhilata navîn jî cihekê wisa ye ku azadiya hemû baweriyan û ya gelan bi hevre dide jiyankirin û jêre rêz dide girtin û vê rastiyê derdixe holê. Bawerî û azadiya gelan jî xwediyê vê rastiyê ye ku nayê înkar kirin. Gel û bawerîyên axa mezopotamya jî, Kurd, Ereb, Ermenî, Suryanî û Êzidî di dîrokê de heya niha bi hevre jiyankirine û yekitîya xwe ya biratiyê û daxwaza jiyanê kirine. Rojên gelan û baweriyan yê pîroz hene û çêbune. Bi van rojên pîroz û muqades re bi rastiya baweriyên xwe re xwesta daxwazê xwe dikin. Wek Rêberê Azadiyê  Rêber APO jî dibêje; di nava dirokê de gelê qedîm û di baweriya Êzîdiyan de cejna çarşema sor xwedî cihekê girîng û pîroz e.

Li ser vê bingehê baweriya gelan re vê roja çarşema sor di her salekê de bi keyfxweşîyê û şanazîyê tê pîroz kirin. Dijminahiya ku di navbera pêkhateyan û gelan de di sedsala 21. mîn de  gelê Êzidî ne di nava vê xelekê de ye. Di despêka dîrokê de heya vê demê re gelê êzidî bi gellek ferman û zextan re rû bi rû maye. Fermana dawî ya ku ji aliyê çeteyên Daîş`ê ve  pêkhat fermana 73.an hat jiyankirin. Lê belê ruxmê ku zextên  ji derve û hûndir de her çendî  xûya bike jî, weke her sal gelê me roja çarşema sor pîroz dike. Em jî wek hêzên parastina jinên êzidî vê roja pîroz zarok û jinên êzidî yên ku hîna  di destê çeteyên Daîş`ê de ne li wan pîroz dikin û bi buneya vê rojê jî em soz didin ku ev roj bibe roja azadiya gelê êzîdî û hemû gelan.

Wekê YJŞ’ê yê ku li ser şopa Binevşan, Xaneyan, Berîvanan û Nazêyan xwe birêkistin dikin û rêya têkoşîna wan ji xwe re wekê bingeh digrin; em çarşema sor ya cejna serê salê li hemû gelê xwe pîroz dikin û carek din bi vê baweriyê  hêviya xwe û daxwaza xwe ya azadiya gelê Êzidî û soza ku me daye gelê xwe em carek din ji nû ve dubare dikin.”

ANHA